Kynþáttahatur

Mér hefur fundist umræðan um innflytjendur hafa verið hálf óhugnaleg undanfarið. Þetta er hreint og beint kynþáttahatur hjá mörgum. Hvort að þetta sé eitthvað sem Jón Magnússon í Frjálslyndaflokknum hafi hrundið af stað veit ég ekki. En hafi það verið þá hefur þjóðin allavegna verið mjög móttækileg fyrir boðskapnum. Maður er að heyra alveg óhuggulega umræðu um það fólk sem er að flytja til landsins. Til að mynda var ég að hlusta á þáttinn Reykjavík síðdegis fyrir nokkru síðan og þar var ungur maður í símanum sem var að tala um menn frá austur-evrópu. Í lok viðtalsins segir hann eitthvað á þessa leið..."já það var leiðinlegt að Hitler hafi ekki tekist ætlunarverk sitt"...og svo skellti hann á. Sem betur fer heyrir maður þetta ekki svona gróft í útvarpinu á hverjum degi en þetta sýnir kannski hvert við stefnum.

 

Svo vil ég líka aðeins koma inn á umræðuna um tungumálaörðuleika innflytjenda. Ég held að við gerum allt of mikið úr þessu. Að mínu mati eru þetta aðeins tímabundin vandræði...þ.e. það fólk sem er að koma hingað með börn og bú eiga erfitt með að læra málið. Börnin aftur á móti fara í skóla og læra málið. Þegar þau síðan koma út á vinnumarkaðinn eftir nokkur ár eru vandræðin yfirstaðin. Við þurfum bara að sýn smá þolinmæði og tillitsemi.

 

Ég get svo ekki stillt mig um að tala um þann fréttaflutning sem verið hefur í Keflavík eftir þann hörmulega atburð sem varð. Voru það allir Pólverjar á Íslandi sem voru við stýrið á bílnum? Var ungi pólski drengurinn, sem nú er útskúfaður af samnemendum sínum, við stýrið? Hvaða endæmis vitleysa er þetta? Við stýrið var maður!!! Og það vitum við jú...að við erum öll menn!!!

Athugasemdir

[Dandý (IP-tala skráð) 6.12.2007 kl. 13:19]

Já þarna er ég þér sammála.  Útlendingar eru eins og við Íslendingar. Það er ekki eins og við kunnum öll heimsins tungumál.  En maður heyrir Íslendinga oft tala um það hvað fólk í útlöndum sé hallærislegt að vera ekki enskutalandi þegar íslendingur kemur þangað...  Magnað. Er þetta ekki bara frekja.

[Nilla (IP-tala skráð) 6.12.2007 kl. 13:27]

Út/Ís? er ekki málið að við erum öll bara lendingar. Sum lendum við á röngunni og önnur ekki.... Lendingarnir eru víst bara svo misjafnir.  En ekki líst mér á blikuna þar sem að maður heyrir mjög svo neikvæðar athugasemdir í garð annarra lendinga þessa dagana. Hvað varð um le love, ze peace und happiness??? Þráinn við dreifum þessu bara!!!

[Eygló (IP-tala skráð) 6.12.2007 kl. 15:43]

Góður pistill......við erum dugleg í dómgæslunni Íslendingar og ansi fljót að sýna rauða spjaldið eða nota krossinn....

[Dandý (IP-tala skráð) 6.12.2007 kl. 15:57]

felísnavídat.