Fyrsta grill sumarsins

Þá er fyrsta grilli sumarsins lokið. Grillað í sól og 18 stiga hita. Fórnarlambið var svín...þannig að við erum að tala um fórnarsvín líklegast. Grillaðar voru 3 kótelettur fyrir tvö átvögl (okkur feðga) og slatti af pínulitlum kartöflum ( sem ég grillaði í barbique legi). Með þessu snæddum við grænar baunir og rjómalagaða piparsósi að hætti hússins. Fórnarsvínið rann ljúflega ofaní okkur og er ég bara nokkuð ánægður með árangurinn.

 Það er nú kannski rétt að segja frá því að ég er ánægðastur með grillið sjálft. Um er að ræða gasgrill sem ég keypti árið 1999 og hefur það staðið úti síðan hvort sem það sé vetur eða sumar. Ég var líka verulega spenntur þegar ég skrúfaði frá gasinu (langaði til að öskra GAAAAS en í virðingarskyni við þær löggur sem búa við hliðina á mér gerði ég það ekki). Hægri takkinn stóð dáldið á sér en viti menn....það kom blossi í fyrstu tilraun og grillið grillaði sem aldrei fyrr

Jebb...sumarið er komið.

Athugasemdir

[Jón Gunnar (IP-tala skráð) 7.5.2008 kl. 22:52]

Sæll og blessaður.
Ég grillaði líka- tilviljun? - veit það ekki!

Grillkveðja, Jón Gunnar

[EyglóD (IP-tala skráð) 8.5.2008 kl. 09:05]

úff, ekki var ég nógu dugleg til að grilla fyrir okkur mæðgurnar! en veðrið var svo sannarlega fallið til þess:-)

[Siggadís (IP-tala skráð) 8.5.2008 kl. 14:53]

Ég hef átt sama grillið síðan 2005 og aldrei skipt um dall undir því - enda grunar mig að okkar grill gangi fyrir heimagerðu methangasi - og nóg er til af því