Loksins

Ég er einn af þeim sem hef mjög gaman af flugeldum. Ég hef ávallt verið duglegur að kaupa og sprengja og einnig haft gaman af að "bara horfa". En ég hef líka komist að því að það er hægt að fá nóg. Síðan að ég kom suður aftur 2. janúar hafa verið stanslausar sprengingar í kringum mann. Það hefur varla verið hægt að horfa á sjónvarpið. Meira að segja á tímabili heyrði ég ekki hvað ég var að hugsa  Mér finnst að það ætti bara að skjóta upp á gamlárskvöld og svo á þrettándanum. Ég hefði tildæmis alveg viljað að allir þeir flugeldar sem skotið var upp á milli gamlársdags og þrettándans hefði verið skotið upp á þrettándanum. Það hefði verið tilkomumikil sjón. En núna er þessu sem sagt lokið og er  ég eiginlega bara dáldið feginn

Athugasemdir

[Hulda Brynjólfsdóttir, 7.1.2008 kl. 14:16]

Skothríðin í gær á Selfossi (um miðjan daginn) lét mig þakka fyrir að vera bara útí sveit - í ró og næði. - og það veit ég að tíkin mín er fullkomlega sammála!!! 

- en sástu norðurljósin í gærkvöldi? eða sjást þau ekki í reykjarmekkinum frá höfuðborgarbúum?

[Þráinn Sigvaldason, 7.1.2008 kl. 16:28]

Maður sér víst aldrei himininn hérna

[Elísabet Katrín (IP-tala skráð) 7.1.2008 kl. 18:16]

Já, svona endalausar "smásprengingar" eru afskaplega þreytandi! Á auðvitað að skjóta þessu öllu í einu ;) Er mjög fegin að sprengingunum virðist vera að linna hér á Ak. þó ekki alveg allir hættir....