Snjótyppi

Ég horfði á þáttinn " Er grín G-vara" í gærkveldi. Ég verð að segja að ég var farinn að hlakka dáldið til að sjá gömul grínatriði og settist ég brosandi út að eyrum í stólinn. Ég var meira að segja búinn að fá Jónatan til að hlakka til...hí hí. En svo byrjaði þátturinn og vonbrigðin komu svo smátt og smátt. Það voru kannski ekki atriðin sem ollu vonbrigðunum heldur kynnirinn sjálfur. Hann var vægast sagt hræðilegur. Ég hef hingað til haft mikið álit á honum en þarna átti hann hræðilegan dag. Ég skil ekki afhverju einhver var ekki búinn að benda manninum á það áður en þátturinn var sendur í loftið! Tvö atriði stóðu reyndar upp úr og náðu að kitla hláturtaugarnar þrátt fyrir leiðindin í kynninum en það voru atriðin með Snjótyppið og svo þeir Laddi og Bjarni Fel saman. En ég er sannfærður um að þetta hefði verið skemmtilegri þáttur ef kynnirinn hefði verið betri...eða jafnvel ef það hefði enginn kynnir verið.

Athugasemdir

[Berglind Steinsdóttir, 23.3.2008 kl. 10:05]

Sammála öllu þessu. Hjálmar var heldur ekki notaður í kynningarslögunum fyrir þáttinn ... kannski voru þau búin að átta sig.

[Dandý (IP-tala skráð) 25.3.2008 kl. 09:11]

Djöfull var hann ógeðslega leiðinlegur..  ég þurfti að drekka heila rauðvín á eftir.